Nafgír fyrir Ford F150 jeppa

Abstract

Arctic Trucks hefur í marga áratugi verið að breyta jeppum. Nú eru rafmagnsdrifnir jeppar að koma á markað og með því fylgja nýjar áskoranir. Slíkir bílar bjóða ekki upp á sömu möguleika og aðrir þegar kemur að því að breyta drifhlutföllum miðað við stærð dekkja. Sennilegt er að nafgír verði eina leiðin til þess. Markmið þessa verkefnis er að hanna slíkan gír í núverandi Ford F150 með það í huga að rafmagnsbíllinn sem kemur 2022 gæti nýtt hann. Helstu kröfur verkefnisins voru þær að nafgírinn þurfti að passa inn í 17" felgu og hafa drif hlutföllin sem næst mismunahlutfalli milli dekkjastærða frá óbreyttum yfir á 44". Hönnunin byggði á AGMA spennujöfnum og ákvörðunum um inntaksvægi. Niðurstaðan var sú að hægt var að hanna gírinn með helstu skilyrði uppfyllt og öryggisstuðull var nægur til þess að þola álagið.