Vinnsla persónuupplýsinga í bálkakeðjum: Togstreita á milli bálkakeðjutækninnar og persónuverndarreglugerðarinnar

Abstract

Ritgerð þessi fjallar um samspil og núninginn á milli bálkakeðjutækninnar annars vegar og persónuverndarreglugerðar nr. 2016/679 hins vegar. Bálkakeðjur eru flókið tæknilegt fyrirbæri sem flestir þekkja í tengslum við Bitcoin rafmyntina. Í eðli sínu eru bálkakeðjur valddreifðar og skrá þeirra er varanleg, viðvarandi og stöðugt í skrifum. Þessir tilteknu eiginleikar, ásamt öðrum, vekja upp spurningar um það hvort bálkakeðjum takist að uppfylla ákvæði persónuverndarreglugerðarinnar þegar persónuupplýsingar rata inn í þær. Ljóst er að mikil spenna er á milli eiginleika bálkakeðja og ýmissa ákvæða reglugerðarinnar. Það má m.a. sjá í því að bálkakeðjur leggja upp úr því að hafa ekkert miðstýrt vald sem ber ábyrgð og á móti leggur reglugerðin upp úr því að það sé tiltekin ábyrgðaraðili sem ber höfuðábyrgðina á vinnslu persónuupplýsingum. Þá er einnig mikil togstreita á milli þess eiginleika bálkakeðja að hún á að vera óbreytanleg og síðan réttindi skráðra einstaklinga um að fá persónuupplýsingar sínar leiðréttar eða þeim eytt.