en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/403

Title: 
  • is Peptíð og bætibakteríur í þorsklirfueldi
Abstract: 
  • is

    Fyrstu dagarnir eftir upphaf fæðunáms lirfa sjávarfiska einkennast af hárri dánartíðni og litlum vexti enda er meltingarvegur lirfanna fremur óþroskaður á þessum tíma. Rannsóknir hafa sýnt að meltingarensímið trypsín gegnir lykilhlutverki í meltingu fæðu á þessu tímabili. Framboð og virkni trypsíns í lirfunum er því afar mikilvægt fyrir lífvænleika lirfa sjávarfiska.
    Markmið tilraunarinnar var að kanna hvaða áhrif fiskipeptíð og bætibakteríur (e: probiotic bacteria) hafa á lifun og vöxt þorsklirfa. Tilraunin gekk út á það að meðhöndla þorsklirfur með annars vegar peptíðum (ufsapróteinmelta frá Prímex ehf á Siglufirði) og hins vegar með bætibakteríum. Efnunum var bætt út í eldisumhverfi hrogna og lirfa, og rannsökuð áhrif meðhöndlunar á vöxt og lifun lirfa úr startfóðrun. Í ljós kom að með því að meðhöndla bæði lirfurnar og fæðudýr þeirra (hjóldýrin) með bætibakteríum má auka lifunina talsvert. Bætibakteríur eru lifandi bakteríur sem bætt er í fóður eða umhverfi fisksins í þeim tilgangi að bæta samsetningu og auka stöðugleika örveruflórunnar. Fæðudýr, og þá helst hjóldýr eru almennt talin vera helsta leið baktería inn í eldisumhverfi lirfa og þar með inn í meltingarveg þeirra. Með því að baða fæðudýrin með bætibakteríum verður örveruflóran stöðugri og dregur það úr líkum á að sjúkdómsvaldandi bakteríur nái þar fótfestu.

Description: 
  • is Verkefnið er opið nemendum og starfsfólki Háskólans á Akureyri frá og með 31.05.2009
Accepted: 
  • Jan 1, 2006
URI: 
  • http://hdl.handle.net/1946/403


Files in This Item:
Filename Size VisibilityDescriptionFormat 
peptid.pdf649.93 kBMembersHeildartextiPDF
peptid_e.pdf82.22 kBOpenEfnisyfirlitPDFView/Open
peptid_u.pdf82.93 kBOpenPeptíð og bætibakteríur í þorsklirfueldi - útdrátturPDFView/Open