is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/40342

Titill: 
  • Nýgengi bláæðasega í kjölfar bæklunar- og kviðarholsskurðaðgerða og tengsl við fyrirbyggjandi blóðþynningarmeðferð og undirliggjandi áhættuþætti
Námsstig: 
  • Meistara
Efnisorð: 
Útdráttur: 
  • Markmið: Markmið rannsóknarinnar var að kanna nýgengi bláæðasega eftir bæklunar- eða kviðarholsskurðaðgerðir á Landspítala, áhrif undirliggjandi áhættuþátta og afdrif sjúklinga í kjölfar greiningar. Einnig að skoða hvort fyrirbyggjandi blóðþynningarmeðferð í kringum skurðaðgerðir var í samræmi við vinnureglur Landspítala og klínískar leiðbeiningar frá NICE.
    Aðferðir: Aftursýn lýsandi rannsókn þar sem þátttakendur voru sjúklingar sem undirgengust bæklunar- eða kviðarholsskurðaðgerð á tímabilinu 1. janúar 2010 til 31. desember 2020 og greindust með bláæðasega innan 90 daga frá skurðaðgerð. Rannsóknin var byggð á gögnum frá Landspítala og lyfjagagnagrunni Embættis landlæknis.
    Niðurstöður: Alls voru 156 sjúklingar sem greindust með bláæðasega innan 90 daga frá bæklunar- eða kviðarholsskurðaðgerð. Árlegt nýgengi bláæðasega í kjölfar bæklunarskurðaðgerða var 3,3 á hverjar 1.000 skurðaðgerðir. Árlegt nýgengi bláæðasega í kjölfar kviðarholsskurðaðgerða var 2,3 á hverjar 1.000 skurðaðgerðir. Sjúklingar með ábendingu fyrir fyrirbyggjandi blóðþynningarmeðferð samkvæmt vinnureglum Landspítala fengu meðferð í 93% tilfella. Af þeim sjúklingum sem fengu fyrirbyggjandi blóðþynningarmeðferð voru 63% sjúklinga sem fengu ekki meðferð í samræmi við vinnureglur Landspítala og 73% sjúklinga sem fengu ekki meðferð í samræmi við klínískar leiðbeiningar frá NICE. Í flestum tilfellum var meðferðarlengd fyrirbyggjandi blóðþynningarmeðferðar ekki í samræmi við leiðbeiningar.
    Ályktanir: Nýgengi bláæðasega í kjölfar bæklunar- og kviðarholsskurðaðgerða á Landspítala var lágt sem bendir til þess að árangur Landspítala í forvörnum gegn bláæðasega sé góður. Aftur á móti fékk hátt hlutfall sjúklinga ekki meðferð í samræmi við vinnureglur Landspítala og klínískar leiðbeiningar frá NICE sem sýnir að svigrúm er til úrbóta hvað varðar fyrirbyggjandi blóðþynningarmeðferð.

  • Útdráttur er á ensku

    Objectives: The study aimed to explore the incidence of venous thromboembolism following orthopedic- or abdominal surgery at Landspítali, the association of underlying risk factors and patients’ outcome after diagnosis. In addition, the goal was to assess whether thromboprophylaxis received was according to Landspitali‘s guidelines and clinical guidelines from NICE.
    Methods: A retrospective descriptive study that included all patients that underwent orthopedic- or abdominal surgery between January 1st 2010 to December 31st 2020 and were diagnosed with venous thromboembolism within 90 days from surgery. Data was obtained from Landspítali and the Prescription Medicine Registry from Directorate of Health.
    Results: Altogether, 156 patients were diagnosed with venous thromboembolism within 90 days of orthopedic- or abdominal surgery. The annual incidence of venous thromboembolism after orthopedic surgery was 3,3 per 1.000 surgeries. The annual incidence of venous thromboembolism after abdominal surgery was 2,3 per 1.000 surgeries. Thromboprophylaxis was administered to 93% of patients with indication for treatment according to local guidelines. Of patients that received thromboprophylaxis 63% didn‘t receive treatment according to Landspitali‘s guidelines and 73% didn‘t receive treatment according to clinical guidelines from NICE. In most cases the duration of thromboprophylaxis was inconsistent with the guidelines.
    Conclusions: The incidence of venous thromboembolism following orthopedic- or abdominal surgery is low at Landspitali, suggesting that venous thromboembolism prevention is good. High proportion of patient didn‘t receive treatment according to Landspitali‘s guidelines and clinical guidelines from NICE which shows there might be room for further improvement regarding thromboprophylaxis.

Samþykkt: 
  • 10.1.2022
URI: 
  • http://hdl.handle.net/1946/40342


Skrár
Skráarnafn Stærð AðgangurLýsingSkráartegund 
MS-Margret.pdf3.01 MBLokaður til...07.01.2027HeildartextiPDF
Yfirlysing_Skemman.pdf149.17 kBLokaðurYfirlýsingPDF