Húsaleigusamningar. Vanefndaúrræði leigusala vegna vanefnda leigutaka

Abstract

Í ritgerðinni er fjallað um húsaleigusamninga og þá sérstaklega vanefndaúrræði þau er leigusala fasteignar er heimilt að nýta og styðjast við vegna vanefnda leigutaka á samningi þeirra á milli. Athugaðar verða reglur húsaleigulaga nr. 36/1994 en lögin gilda um leigusamninga um afnot af húsnæði eða hluta af húsnæði gegn endurgjaldi. Í ritgerðinni er aðeins horft til leigusamninga um íbúðarhúsnæði. Húsaleigulögin eru ófrávíkjanleg og taka bæði til íbúðar- og atvinnuhúsnæða. Farið er yfir húsaleigusamninga og einkenni þeirra almennt, greiðsludrátt leigutaka sem og annarra vanefnda á samningi aðilanna og til hvaða réttarúrræða leigusali getur gripið í þeim tilvikum.