Fjármálalæsi fjárfesta: Áhrif fjármálalæsis á þátttöku og hegðun almennra fjárfesta á hlutabréfamarkaði

Abstract

Rannsókn þessi fjallar um mikilvægi fjármálalæsis og áhrif þess á hlutabréfaviðskipti. Að vera fjármálalæs er talin vera nauðsynlegur eiginleiki í því nútíma samfélagi sem við lifum í, þar sem aukin ábyrgð einstaklinga á fjárhagslegri velferð hefur færst í hendur almennings. Stjórnvöld víða um heiminn hafa greint frá áhyggjum sínum á stöðu á fjármálalæsi á síðustu árum og kalla eftir nauðsynlegum ráðstöfunum til að bæta skilning einstaklinga á fjármálum og þar er Ísland er engin undartekning. Á sama tíma hefur umræða og þátttaka á hlutabréfamarkaði aukist til muna á síðustu tveimur árum og aldrei hafa fleiri einstaklingar tekið þátt á þeim markaði og nú. Meiginmarkmið rannsóknarinnar er því að skoða hvaða áhrif fjármálalæsi hefur á þátttöku og hegðun almennra fjárfesta á hlutabréfamarkaðnum hér á landi. Til að svara þeirri spurningu var gerð meigindleg rannsókn þar sem spurningarkönnun var sett fram. Tilgangur hennar var að mæla fjármálalæsi svarenda og bera saman við þátttöku þeirra á hlutabréfamarkaði og hegðun. Niðurstöður benda til þess að fjármálalæsi haldist í hendur við þátttöku og hegðun á hlutabréfamarkaði, þar sem þeir einstaklingar sem hafa áður keypt hlutabréf og því tekið þátt á þeim markaði sýndu fram á meira fjármálalæsi en þeir sem ekki hafa keypt hlutabréf. Niðurstöður sýndu enn fremur að þeir sem hafa verið lengur á markaðnum og hafa því öðlast meiri reynslu á hlutabréfaviðskiptum voru mun fjármálalæsari en aðrir og má því draga þá ályktun að þátttaka og reynsla á hlutabréfamarkaði leiðir til betra fjármálalæsis.