Please use this identifier to cite or link to this item: http://hdl.handle.net/1946/4076
Í þessari ritgerð er ætlunin að bera saman gripaflóru tveggja íslenskra miðaldaklaustra með það fyrir augum hvort hægt sé að greina mun á störfum munka og nunna með kynjafræðilegum nálgunum. Klaustrin sem einblínt verður á eru annars vegar Kirkjubæjarklaustur, sem var nunnuklaustur á Síðu í Vestur-Skaptafellsýslu, og svo hins vegar Skriðuklaustur, sem var munkaklaustur á Skriðu í Fljótsdal í Norður-Múlasýslu. Rannsóknir hafa farið fram á leifum þessara stofnanna síðustu ár. Markmið rannsóknanna hefur verið að greina byggingarform þeirra og bera saman við klaustur erlendis. Einnig hefur verið reynt að átta sig á þeirri starfsemi sem þar átti sér stað, ásamt því að athuga hvort einhver framleiðsla átti sér stað og af hvaða tagi þá. Við gerð þessarar ritgerðar verður stuðst við gripi, heimildir og viðtöl um þessar rannsóknir. Farið verður yfir kennilegar nálganir innan fornleifafræði, einkum þróun kynjaforleifafræðinnar. Loks verður stiklað á stóru í sögu og þróun klaustra.
Filename | Size | Visibility | Description | Format | |
---|---|---|---|---|---|
Jorunn_Magnusdottir_fixed.pdf | 1 MB | Open | Heildartexti | View/Open |