Hugtakarammi reikningsskila. Leiðbeiningar fyrir reikningsskil

Abstract

Hugtakarammi reikningsskila lýsir markmiðum og hugtökum fyrir almenn reikningsskil. Tillgangur hugtakarammans er að aðstoða alþjóðlega reikningsskilaráðið IASB (International Accounting Standards Board) við þróun IFRS (International Financial Reporting Standards) staðla sem byggja á samræmdum hugmyndum og sem leiða af sér fjárhagsupplýsingar sem nýtast eiga fjárfestum, lánveitendum og öðrum kröfuhöfum. Einnig á hugtakaramminn að aðstoða við gerð ársreikninga og vera þeim sem velja, eða er skylt að semja reikningsskil til leiðsagnar, með því að þróa samræmdar reikningsskilaaðferðir fyrir viðskipti eða aðra atburði þegar enginn reikningsskilastaðall á við eða staðall leyfir val á margskonar eða mismunandi reikningsskilaaðferðum. Síðast en ekki síst á hugtakaramminn að aðstoða alla aðila við að skilja og túlka reikningsskilastaðla.