is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/40891

Titill: 
  • Reglur hlutafélagalaga um fjárhagslega aðstoð hlutafélaga í þágu tengdra aðila
Námsstig: 
  • Meistara
Útdráttur: 
  • Ritgerð þessi fjallar um reglur laga um hlutafélög nr. 2/1995 sem gilda um fjárhagslega aðstoð sem hlutafélag veitir aðilum sem tengdir eru félaginu. Með fjárhagslegri aðstoð í framangreindum skilningi er átt við lánveitingar, tryggingagerninga og fjárframlög af hálfu hlutafélags til nánar tiltekinna tengdra aðila. Fjárhagsleg aðstoð hlutafélags í þágu tengdra aðila kann að hafa umfangsmiklar og alvarlegar afleiðingar í för með sér, sé ekki gætt að fyrirmælum þeirra réttarreglna sem um slíka aðstoð gilda. Því er nauðsynlegt, bæði fyrir þá sem standa að starfsemi hlutafélaganna sjálfra sem og kröfuhafa hlutafélaganna, að kunna góð skil á þeim reglum sem gilda um fjárhagslega aðstoð hlutafélaga í þágu tengdra aðila.
    Tilgangurinn með ritgerð þessari er að varpa ljósi á þær reglur hlutafélagalaganna sem gilda um fjárhagslega aðstoð hlutafélaga í þágu tengdra aðila og jafnframt að bera reglurnar saman við hliðstæðar reglur í norrænum rétti. Verða kenningar fræðimanna á sviði hlutafélagaréttar einkum hafðar til hliðsjónar við umfjöllun á framangreindum reglum enda nýtur lítillar dómaframkvæmdar við um efnið. Eftir atvikum verða einnig tekin raunhæf dæmi til skýringar á þeim álitamálum sem koma til skoðunar við skýringu og mat á reglunum.
    Reglur 104. gr. hlutafélagalaga fjalla annars vegar um bann við tiltekinni fjárhagslegri aðstoð til hluthafa, stjórnarmanna og annarra aðila sem tengdir eru hlutafélagi og hins vegar um bann við svokallaðri sjálfsfjármögnun. Verður framangreindum reglum gerð skil í ritgerðinni auk þess sem sjónum verður sérstaklega beint að tilteknum atriðum er varða inntak og gildissvið reglnanna. Verða reglur um fjárhagslega aðstoð hlutafélaga í þágu tengdra aðila þá einnig skoðaðar í ljósi 95. gr. a. hlutafélagalaga, en þar er kveðið á um skyldu til að bera samninga við tengda aðila undir hluthafafund til samþykktar. Þá verða framangreind ákvæði, og þær reglur sem þau hafa að geyma, borin saman við sambærileg ákvæði í erlendum rétti.

Samþykkt: 
  • 5.5.2022
URI: 
  • http://hdl.handle.net/1946/40891


Skrár
Skráarnafn Stærð AðgangurLýsingSkráartegund 
Yfirlýsing - Skemman.pdf76.24 kBLokaðurYfirlýsingPDF
Reglur hlutafélagalaga um fjárhagslega aðstoð hlutafélaga í þágu tengdra aðila - Meistararitgerð JÁH.pdf828.94 kBLokaður til...06.05.2027HeildartextiPDF