Fjölbreytileiki og inngilding á vinnumarkaði: Tækifærin í fjölbreytileikanum

Abstract

Markmiðið með þessari ritgerð er að auka þekkingu og skilning á hugtökunumfjölbreytileiki og inngilding. Áhersla verður lögð á hvernig stjórnun á fjölbreyttu vinnuafli eða stjórnun fjölbreytileika fer fram og hver útkoman verður með því að fyrirtæki leggi áherslu á þetta viðfangsefni. Í þessari ritgerð verður farið yfir skilgreiningar á hugtökunum fjölbreytileiki og inngilding og auk þess útskýrt hvernig þessi hugtök vinna saman. Í umfjöllun á hugtakinu inngilding verður kynnt hagnýt líkan til að skapa inngildingu á vinnustað. Því næst verður fjallað um stjórnun á fjölbreytileikanum og hvernig fyrirtæki geti komið til móts við þær þarfir sem að hið fjölbreytta vinnuafl hefur. Þar á eftir verður kynnt fyrir hvernig stjórnun fjölbreytileika virkar og hver tilgangurinn er með þeirri stefnu. Í framhaldinu á því verður farið í þann ávinning sem það getur haft í för með sér og einnig þær áskoranir sem verða til staðar við stjórnun fjölbreytileika. Í lok ritgerðarinnar verður síðan íslenski vinnumarkaðurinn skoðaður lauslega og hvaða lög eru í gildi um jafna meðferð á vinnumarkaðnum. Tveir fjölbreyttir hópar verða teknir fyrir sérstaklega í lokin á íslenska vinnumarkaðnum. Það eru annars vegar innflytjendur og hins vegar, fatlaðir og öryrkjar á íslenskum vinnumarkaði.