Fjárfestingar ungs fólks á tímum Covid-19

Abstract

Meðan Covid-19 faraldrinum stóð glímdu flest lönd við nauðsynleg inngrip til þess að reyna sporna við útbreiðslu sjúkdómsins. Helsti áhrifahópur þessa inngripa var ungt fólk sem sat eftir með mikið af auka tíma og peningum sem annars hefði verið eytt í skemmtun og ferðalög. Í þessari ritgerð var kannað hvernig ungir íslenskir fjárfestar höguðu sér á hlutabréfamarkaði á þessu Covid tímabili. Gögnum var aflað með viðtölum við tvo einstaklinga sem starfa í hlutverkum tengdum viðskiptum með hlutabréf. Auk heimilda og fyrrum rannsókna sem tengjast ritgerðinni. Ritgerðin sýnir að áhugi og þátttaka á hlutabréfamarkaði á meðal ungs fólks hefur aukist og að ungt fólk hefur myndað með sér fjárfestingamynstur sem er frábrugðið eldri og stærri fjárfestum. Ritgerðin sýnir einnig að yngra fólk hefur aukið þáttöku í umræðu um fjárfestingar.