Úr fátækt í bjargálnir: Er fátækt lærð eða bundin innkomu?

Abstract

Í verkefninu verður farið yfir þrjú tilvik þar sem sammæðra systkini, sem öll fengu samskonar uppeldi, lýsa upplifun sinni á fjármælafræðslu inni á heimilinu og á menntastofnunum. Öll fengu þau takmarkaða fræðslu hvað varðar fjármál og meðferð fjármuna í æsku og lentu öll í vandræðum þegar þau urðu fjárráða. Helsta viðfangsefni verkefnisins er að skoða hvort fátækt sé lærð eða einfaldlega tengd lágri innkomu og var því lagt upp með rannsóknarspurninguna: Er fátækt lærð eða bundin innkomu?Fræðilegt yfirlit fjallar um velferðarsamfélög þar sem áhersla er lögð á að allir borgarar standi jafnfætis er kemur að þekkingu og fræðslu. Fjármálalæsi er einnig skilgreint og farið yfir hvernig stofnanir í dag skilgreina fjármálalæsi. Til þess að yfirfæra þekkingu er varðar fjármálalæsi og meðferð peninga frá einni manneskju til annarrar og hvernig slík miðlun ætti mögulega að fara fram, fer rannsakandi yfir kenningar þekkingarstjórnunar. Þar er hægt er að styðjast við einfalt líkan til að koma leyndri þekkingu í skrifað mál, sem hagnast þeim sem koma frá efnaminni fjölskyldum að standa jafnfætis öðrum hvað fjármálalæsi varðar, þegar þau komast á fullorðinsár. Vegna stærðargráðu þessa viðfangsefni, þ.e.a.s. samhengisins milli fátæktar og fjármálalæsis, verður hér aðeins stiklað á stóru hvað varðar fjármál og fátækt. Leitast verður við að gera lesendum grein fyrir mikilvægi fjármálalæsis og innsýn inn í þau atriði sem gott væri að hafa í huga þegar verið er að taka utan um fræðslu á sviði fjármála.