Áhættuvarnir með afleiðusamningum: Áhættuvarnir flugfélaga

Abstract

Í öllum rekstri er einhvers konar áhætta sem fyrirtækið er útsett fyrir og getur það orðið fyrir verulegu tapi eða annars konar tjóni vegna hennar. Til að verja sig fyrir slíkri áhættu og þar með draga úr óvissu, stunda fyrirtæki áhættuvarnir, en ein mest notaða og skilvirkasta aðferðin til þess er notkun afleiðusamninga. Afleiðusamningar eru margvíslegir, þjóna mismunandi tilgangi til áhættuvarnar og árangur þeirra er mis góður. Markmið þessa verkefnis er að skoða mismunandi gerðir afleiðusamninga og árangurstengdan mun þeirra á milli til að draga úr áhættu. Áhersla verður lögð á áhættuvarnir flugfélaga, með sérstaka áherslu á áhættuvarnir eldsneytiskostnaðar flugfélaganna, en hann er einn stærsti kostnaðarliður þeirra. Til að gera samanburð með tölulegum gögnum var flugfélagið Icelandair valið og kostnaður félagsins á eldsneyti með og án áhættuvarna borið saman til að sjá afleiðingar notkunar afleiðusamninga til áhættuvarnar á kostnað og hagnað félagsins. Helstu niðurstöður ritgerðarinnar eru þær að notkun kvikra áhættuvarna með hagkvæmasta hlutfalli áhættuvarnar sé oftast æskilegasta nálgunin og að áhættuvarnir Icelandair dragi úr áhættu félagsins og flökti á kostnaði.