Val í leikskólum : stangast framkvæmdin á við fræðin?

Abstract

Í þessari ritgerð leitast ég við að svara spurningunni hvort framkvæmd vals í leikskólum á Íslandi stangist á við hugmyndafræðina á bak við valið. Ég fjalla um High/Scope hugmyndafræðina, þaðan sem valið er komið, sjálfræði og frjálsa leikinn en þessi tvö hugtök eru samtvinnuð High/Scope hugmyndafræðinni. Ég fjalla auk þess um vináttuna í sambandi við valið og leikinn.Ég hafði samband við 14 leikskóla og spurði leikskólastjórana um valið, ástæður þess o.fl. Niðurstöðurnar voru m.a. þær að framkvæmd valstunda og vals í leikskólunum sem ég hafði samband við eru í flestum tilfellum ekki í samræmi við hugmyndafræði High/Scope.Lykilorð: Sjálfræði, vinátta, valstundir.