Stefnumótun í málefnum barna sem eiga foreldra með alvarlega geðsjúkdóma: Staða Íslands í samanburði við Noreg, Svíþjóð og Danmörku

Abstract

Meginmarkmið þessarar ritgerðar er að skoða stefnumótun í málefnum barna á Íslandi sem eiga foreldra með alvarlega geðsjúkdóma. Varpað verður ljósi á hvað megi gera betur til að mæta þörfum barnanna og bæta þjónustu við þau. Rannsóknir hafa sýnt að börn sem aðstandendur, eru í áhættuhóp fyrir að eiga í félagslegum erfiðleikum og jafnvel þróa með sér einhverskonar andleg veikindi á fullorðins árum, sé þeim ekki veittur viðeigandi stuðningur. Úrræði þar sem stuðst er við hugmyndafræði snemmtækrar íhlutunar og þátttöku barna í stefnumótun í eigin málefnum geta stuðlað að velferð þeirra. Rýnt verður í kenningar sem nýta má við stefnumótun í málefnum barna og fjölskyldna. Með tilkomu nýrra laga um samþættingu þjónustu í þágu farsældar barna hefur stefnumótun í þessum málum tekið breytingum. Í samanburði við önnur Norðurlönd á borð við Svíþjóð og Noreg sést að Ísland á enn töluvert langt í land. Með því að líta til nágranna okkar á Norðurlöndunum getum við nýtt okkur þá þekkingu sem er til staðar og innleitt árangursríkar aðferðir við að styðja börn foreldra með alvarlega geðsjúkdóma.Lykilorð: Stefnumótun, seigla (e. resilience), snemmtæk íhlutun (e. early intervention), valdefling (e. empowerment), notendasamráð (e. user participation).