Fangelsismál á Íslandi í samanburði við fangelsismál í Danmörku: Refsistefna, betrunarstefna og mikilvægi félagsráðgjafar í fangelsismálum

Abstract

Í ritgerð þessari er meginviðfangsefnið að bera saman fangelsismál á Íslandi við fangelsismál í Danmörku og skoðað er hvort staðan í málefnum fanga sé ólík eða sambærileg. Þar að auki er fjallað um refsistefnu, betrunarstefnu og mikilvægi félagsráðgjafar í fangelsismálum. Þær spurningar sem leitað er svara við eru: Er eitthvað í fangelsismálum á Íslandi sem er ólíkt eða sambærilegt því sem tíðkast í Danmörku? Er betrunarstefna árangursríkari heldur en refsistefna í fangelsismálum? Hverjar eru helstu áherslur í vinnuaðferðum félagsráðgjafa í starfi með föngum? Er félagsráðgjöf mikilvæg stétt innan fangelsiskerfisins? Helstu niðurstöður ritgerðarinnar sýna að þegar fangelsismál á Íslandi eru borin saman við fangelsismál í Danmörku kemur í ljós að það er meira líkt með þeim heldur en ólíkt. Lagaákvæði íslenskra fullnustulaga sem ætluð eru til betrunar er að mörgu leyti sambærileg því sem fram kemur í fullnustulögum í Danmörku. Einnig sýna niðurstöðurnar að betrun sé árangursríkari aðferð í fangelsismálum en refsing. Síðan hafa niðurstöður ritgerðarinnar leitt í ljós að félagsráðgjöf getur verið gríðarlega mikilvæg stétt innan fangelsiskerfisins. Félagsráðgjafar hafa vinnuaðferðir og hjálpartæki til að takast á við málefni fanga og geta þær aðferðir haft góð áhrif á líf fanga og bætt aðstæður þeirra til muna.