is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/41199

Titill: 
  • Áhrif áfalla á konur og fjölskyldur þeirra: Hvítfeld - fjölskyldusaga greind út frá sjónarhorni félagsráðgjafar
  • Titill er á ensku The effect of trauma on women and their families: Hvítfeld - fjölskyldusaga from a social work perspective
Námsstig: 
  • Bakkalár
Útdráttur: 
  • Flestir verða fyrir einhvers konar áfalli á lífsleiðinni en mismunandi er hvernig einstaklingum tekst að takast á við áföll og neikvæðar upplifanir. Þá geta áföll haft víðtæk áhrif á einstaklinginn og umhverfi hans. Í þessari ritgerð verður fjallað um áföll kvenna og hvernig þau kunna að hafa áhrif á fjölskyldur þeirra. Svarað verður hvernig áföll geta tilfærst á milli kynslóða í fjölskyldum auk þess hvernig áföll hafa áhrif á tengslamyndun einstaklinga. Notuð verður skáldsaga Kristínar Eiríksdóttur, Hvítfeld – fjölskyldusaga, til þess að varpa ljósi á áhrif áfalla kvenna á fjölskyldur. Skoðaðar verða helstu kvenpersónur sögunnar út frá kerfiskenningum, tengslakenningum ásamt seiglu og félagslegum stuðningi. Sögunni er skipt í nokkur þemu; fjölskyldu og umhverfi, skaðlegar upplifanir í æsku (ACE), kynferðislegt ofbeldi, þunglyndi og tengslahegðun. Í ljós kom að áhrif áfalla geta tilfærst á milli kynslóða í fjölskyldum nái einstaklingar ekki að vinna úr sinni áfallareynslu. Áfall sem kona verður fyrir getur haft neikvæðar afleiðingar á tengslamyndun hennar við barn sitt þar sem tengslin geta orðið óörugg. Sumir einstaklingar ná að þróa með sér seiglu í kjölfar áfalla en þó ekki allir. Þar hefur tengslamyndun einstaklinga og félagslegur stuðningur í umhverfi þeirra áhrif. Þegar tengslamyndun er óörugg og skortur er á félagslegum stuðningi í umhverfi einstaklinga getur orðið til keðjuverkun í fjölskyldum þar sem áföll geta tilfærst á milli kynslóða. Félagsráðgjafi með heildarsýn að leiðarljósi er vel til þess fallinn til þess að aðstoða konur með áfallareynslu. Konur geta upplifað sig valdalausar í eigin lífi í kjölfar áfalls, en með styrkleikamiðaðri nálgun og valdeflingu er hægt að horfa fram á veginn út frá styrkleikum þessara kvenna og stöðva keðjuverkun áfalla í fjölskyldum þeirra.

Samþykkt: 
  • 12.5.2022
URI: 
  • http://hdl.handle.net/1946/41199


Skrár
Skráarnafn Stærð AðgangurLýsingSkráartegund 
ernaleabergsteinsdottir.BA.verkefni.pdf679.47 kBOpinnHeildartextiPDFSkoða/Opna
ernaleabergsteinsdottir.yfirlysing.skemma.pdf497.68 kBLokaðurYfirlýsingPDF