Heilbrigð öldrun kvenna - aðkoma og áhrif félagsráðgjafa

Abstract

Í þessari ritgerð er fjallað um hvað felst í heilbrigðri öldrun þar sem sérstök áhersla er lögð á konur. Greint er frá skilgreiningum sem tengjast heilbrigðri öldrun og aldri ásamt því að fjallað er um stöðu kvenna frá ýmsum sjónarhornum þar sem hallar á að konur njóti fullrar virðingar og mannréttinda. Farið er yfir kenningar og sjónarmið sem ná að lýsa sérstöðu kvenna út frá ævilöngu misrétti á vinnumarkaði og í einkalífi. Þær kenningar sem hér um ræðir eru kerfiskenningar, feminískar kenningar og lífssögusjónarmiðið. Sameinuðu þjóðirnar hafa blásið til áratugar heilbrigðrar öldrunar 2021 til 2030 og er hér greint frá helstu markmiðum og aðgerðarsviðum út frá aðgerðaráætlun Alþjóða heilbrigðismálastofnunarinna um áratuginn. Sérstök áhersla er lögð á þau svið sem hafa meiri áhrif á konur en karla. Að lokum er fjallað um aðkomu og áhrif félagsráðgjafa en markmið félagsráðgjafar er að vinna að lausn félagslegra og persónulegra vandamála, sporna við félagslegu ranglæti og vinna gegn mannréttindabrotum. Félagsráðgjafar eru því tilvaldir til þess að styðja konur til áhrifa í eigin lífi til að þær megi njóta heilbrigðar öldrunar og vera virkir þátttakendur í samfélaginu á sínum eigin forsendum.Lykilhugtök: aldur, heilbrigð öldrun, konur, félagsráðgjöf