Gengið um dimman veg: Karlkyns þolendur mansals

Abstract

Þegar hugsað er til mansals og karlmanna þá eru þeir oftast stimplaðir sem gerendur. Karlmenn geta einnig verið þolendur mansals og hefur það aukist með árunum, ýmist vegna vitundarvakningar, breiðari skilgreiningar á hugtaki mansals og frekari aðgerða stjórnvalda. Þessi ritgerð fjallar um umfang mansals, glæpastarfsemi því tengdu, samningar sem hafa lagt sitt af mörkum í málaflokknum og rannsóknir sem gerðar hafa verið á karlkyns þolendum mansals auk almennrar tölfræði er einnig til umfjöllunar. Karlkyns þolendur eru flestir hverjir í vinnumansali og drengir eru áberandi fleiri en karlmenn í kynlífsmansali. Konur og karlar hafa mismunandi áherslur þegar kemur að mansali og því þarf að athuga það betur þar sem ekki henta sömu úrræði né stuðningur báðum kynjum. Þar sem staðalímyndir og kynjafordómar eru til staðar í heiminum þá er oft erfiðara fyrir karlkyns þolendur mansals að tjá sig og leita hjálpar. Félagsráðgjafar eru í góðri stöðu að takast á við þennan málaflokk og aðstoða þá með heildarsýn til hliðsjónar og verður aðkoma þeirra rædd. Valdefling og krítískar kenningar falla einnig vel að þessum málaflokk þar sem stofnanir og fagaðilar þurfa að koma til móts við þolandann. Karlkyns þolendur mansals þurfa frekari aðhlynningar, úrræða og valdeflingar.