Þrífösun á Jökuldal : strengplæging frá Brúarási í Aðalból

Abstract

Fyrirhugað er að fara með þriggja fasa streng ca. 80 km leið frá Brúarási upp í Aðalból í Hrafnkelsdal. 35 notendur, þar af 4 farsímasendar uppá fjöllum. Fæðing að Brúarási er um 14 km löng lína frá Lagarfossvirkjun. Hönnuð verður strengleið og kannað hvernig hagkvæmast er að komast á leiðarenda með tilliti til rekstraröryggis. Flækjustig er bæði varðandi dreifða byggð beggja vegna krefjandi ár sem liggur að mestu í gili, fáar brýr á leiðinni sem þvera hana og að halda spennu viðunandi alla leið. Ekki verður farið í launaflsreikninga vegna þess að Rarik eru með þau mál í eigin skoðun og taka þarf tillit til annara kerfa.Fræðin á bakvið strengi og strenglagnir í mismunandi jarðveg krufin.