en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/4162

Title: 
  • is „Lækningin er að fá að vita... hvernig þér líður er eðlilegt." Upplifun af áfallaröskun og leiðir að bættri líðan
Abstract: 
  • is

    Hér er greint frá eigindlegri rannsókn sem gerð var með því að tala við átta manneskjur sem hafa fengið áfallaröskun (PTSD) og þegið sérhæfða meðferð við henni. Alls höfðu viðmælendur orðið fyrir sextán tegundum áfalla og fimm orðið fyrir fleiri en einu áfalli. Það hefur þó ekki haft áhrif á starfsgetu þeirra því sjö eru á vinnumarkaði en ein er öryrki. Markmið rannsóknarinnar er að bæta við og dýpka skilning félagsráðgjafa og annarra á einkennum áfallaröskunar og leiðum til bata.
    Niðurstöður rannsóknarinnar eru að áfallaröskun hefur valdið viðmælendum margs konar vanlíðan en með sérhæfðri meðferð eru sex nær alveg laus við einkenni en tvö hafa enn nokkur einkenni. Fjórir viðmælendur urðu fyrir áföllum í æsku og fengu ekki greiningu á áfallaröskun fyrr en áratugum síðar. Það bendir til þess að þekking á afleiðingum áfalla hafi ekki verið til staðar þegar áföllin urðu. Rannsóknin leiðir hins vegar í ljós að þeirri þekkingu fer fram en af sex viðmælendum sem fengu ekki greiningu fyrr en árum eða áratugum eftir fyrsta áfall fengu fjögur greiningu og aðstoð fljótlega eftir seinni áföll.
    Meðferð við áfallaröskun krefst sérþekkingar og hana er ekki hægt að framkvæma í fljótheitum. Í ljós kom að meðferðartímabil viðmælenda var frá tveimur viðtölum upp í eitt og hálft ár. Algengast var að meðferð stæði yfir í tíu mánuði.

Accepted: 
  • Dec 17, 2009
URI: 
  • http://hdl.handle.net/1946/4162


Files in This Item:
Filename Size VisibilityDescriptionFormat 
áfallaröskun.fixed.pdf588.32 kBOpenHeildartextiPDFView/Open