Ábyrgar fjárfestingar : hvatar og hindranir lífeyrissjóða og sjóðstýringafyrirtækja

Abstract

Ábyrgar fjárfestingar er aðferðafræði sem hefur verið að ryðja sér til rúms undanfarin ár og felur í sér innleiðingu á UFS þáttum (e. ESG topics) við fjárfestingarákvarðanir og við eignarhald fjárfestinga sem ætlað er að færa samfélagið nær sjálfbærni. Markmið rannsóknarinnar er að greina frá helstu hvötum og hindrunum sem eru til staðar við ábyrgar fjárfestingar lífeyrissjóða og sjóðstýringafyrirtækja á Íslandi. Stuðst var við eigindlegar rannsóknaraðferðir sem byggðust á djúpviðtölum við tíu fulltrúa lífeyrissjóða og sjóðstýringafyrirtækja. Niðurstöður rannsóknar leiddu í ljós að hvatar sem og hindranir fjárfesta eru af ýmsum toga. Þróun innlendrar löggjafar og alþjóðlegt samstarf hefur hvatt fjárfesta til frekari fjárfestinga í ábyrgum fjárfestingum. Auk þess ríkir trú á langtímaávinning og virðissköpun með auknu samtali milli fjárfesta og stjórnenda fyrirtækja með beitingu virks eignarhalds. Þá virðist sem að takmarkaðir fjárfestingarkostir innanlands hindri framgang innleiðingarinnar. Einnig kalla fjárfestar eftir skýrari löggjöf. Lítil þekking og reynsla á málefninu virðist hamla framgangi ábyrgra fjárfestinga á Íslandi.