Ávinningur stafrænnar markaðssetningar Icelandair

Abstract

Færst hefur í aukana að notast við stafræna markaðssetningu samhliða hefðbundinni markaðssetningu og fylgir því ýmis ávinningur. Markmið rannsóknarinnar var að svara þeim rannsóknarspurningum sem lagðar voru fram í upphafi ritgerðar: RS1: Hver er ávinningur stafrænnar markaðssetningar hjá Icelandair? RS2: Hvaða leiðir fer Icelandair til að ná þessum ávinningi? Notuð var eigindleg rannsóknaraðferð til þess að leitast svara við rannsóknarspurningunum. Settur var saman spurningalisti fyrir djúpviðtöl við þrjá sérfræðinga í stafrænni markaðssetningu hjá Icelandair. Í fræðilega hluta ritgerðarinnar var farið yfir helstu þætti stafrænnar markaðssetningar líkt og markaðssetningu á samfélagsmiðlum, leitarvélum, vefborðum og póstlistum ásamt öðrum þáttum. Niðurstöður fyrstu rannsóknarspurningarinnar leiddu í ljós að helsti ávinningur fyrirtækisins vegna notkunar stafrænnar markaðssetningar var mælanleiki, verð og möguleikinn að höfða til ákveðinna hópa ásamt því að nálgast neytendur í mismunandi stigi í kaupferli þeirra. Enn fremur tengist ávinningur aukningu í sölutölum og heimsóknum á vefsíðu fyrirtækisins. Niðurstöður seinni rannsóknarspurningarinnar leiddu í ljós að fyrirtækið fer nokkrar leiðir til þess að ná þessum ávinningi. Það ferli felst í notkun þeirra á stafrænum miðlum og framkvæmd á mælingum á árangri.