Staða og þróun frumútboða : hvað veldur aukinni eftirspurn og auknum áhuga á frumútboðum?

Abstract

Árið 2021 var stórt ár á hlutabréfamarkaði þar sem þátttaka, umtal og velta jókst mikið frá fyrri árum. Uppgangurinn er rakinn til góðs útboðs Icelandair frá árinu 2020 þar sem þátttaka almennings spilaði stóran hlut ásamt hagstæðum markaðsaðstæðum. Fjögur félög fóru svo á markað á árinu 2021, en það voru Síldarvinnslan, Play Air, Solid Clouds og Íslandsbanki. Þetta var þó ekki einungis einsdæmi hér á Íslandi en metfjöldi fyrirtækja fór einnig á markað erlendis. Höfundar ritgerðar töldu að þrátt fyrir mikið umtal sé þekking um frumútboð af skornum skammti. Í ljósi þess töldu þeir mikilvægt að kafa dýpra og því var framkvæmd rannsókn þar sem viðtöl voru tekin við aðila sem þekkja ferlið vel. Tekin voru viðtöl við forstjóra félags sem fór á markað árið 2021 en einnig var talað við forstjóra Kauphallar og umsjónaraðila innan veggja Íslandsbanka, Arctica Finance, Landsbanka og Arion banka. Tilgangur rannsóknar var að auka við stöðu þekkingar ásamt því að fá svör við hvað valdi aukinni eftirspurn og auknum áhuga á frumútboðum. Niðurstöður rannsóknar sýna að góðar markaðsaðstæður og góð þátttaka almennings hafi átt stóran þátt í því af hverju fyrirtæki fóru á markað. Lágt vaxtastig Seðlabanka Íslands, góð niðurstaða fyrri útboða og hagstæð verðlagning skili sér einna helst í mikilli bjartsýni á markaði næstkomandi ár. Hlutafjárútboð Icelandair hafi verið brautryðjandi og gefið fyrirtækjum sannreyningu (e. proof of concept).Lykilorð: Frumútboð, hlutafjárútboð, 2021, þátttaka almennings, markaðsaðstæður, drifkraftur