Opið sár æsku minnar : lífssaga einstaklings : afleiðingar ofbeldis og vanrækslu

Abstract

Umræða um kynferðisbrot gegn börnum og fullorðnum hefur verið hávær á síðustu árum og opnaðist til muna með Me Too byltingunni 2017. Minna hefur farið fyrir umræðu um annars konar ofbeldi gegn börnum og þeim afleiðingum sem það getur haft í för með sér. Hugtökin sjálfsmynd, sjálfstraust, vanræksla, persónuleiki og ofbeldi eru útskýrð til að átta sig á hvað þau þýða svo að við skiljum betur orsök og afleiðingar þess sem lífssaga þessa einstaklings hefur að geyma. Nálgast er viðfangsefnið með því að nota narratívar aðferðir þar sem persóna sögunnar lætur í té skrifaða lífssögu sem fylgt er eftir með óformlegum viðtölum. Barn sem elst upp við hverskyns ofbeldi, afskiptaleysi eða vanrækslu er mun líklegra til að verða fyrir erfiðleikum í lífinu og nota áfengi og/eða önnur vímuefni til að deyfa sársaukann. Það er barni eðlislægt að þarfnast hróss og umhyggju og finnast það hluti af þeirri heild sem fjölskyldumynstrið er. Lífssagan sem við fáum að skyggnast inn í er ævi manns sem upplifði ofbeldi og alkóhólneyslu af hendi forelda sinna alveg frá blautu barnsbeini. Saga hans er full af vanlíðan, sárum missi og að endingu niðurbroti hans á líkama og sál. Fræðileg umfjöllun sýnir að margs konar áföll á lífsleiðinni geta auðveldlega leitt til þess að geðrænn og líkamlegur vandi hamli einstaklingi á fullorðinsárum og geri hann óvinnufæran með öllu. Heilinn er flókið fyrirbæri og barnið þarf að þroskast í heilbrigðu umhverfi til að fá gott veganesti út í lífið. Þær sýna einnig að það er barni mikilvægt að alast upp í streitulitlu og öruggu umhverfi auk þess að fá nauðsynlegt faglegt inngrip þegar áföll dynja yfir. Niðurstöður rannsókna um að skima börn fyrir áföllum gefa vísbendingar um að draga megi úr langvarandi afleiðingum á fullorðinsárum.

Discussions about sexual offenses against children and adults have been loud in recent years and became more noticeable with the Me Too revolution in 2017. There has been less discussion about other forms of violence against children and the consequences it can have. Theoretically we discuss the effect of neglect and violence on self-image, self-confidence and personality to understand cause and effect so that we better understand what this person's life story entails. The subject is approached using narrative methods where the character of the story provides a written life story followed by informal interviews.A child who grows up with any kind of violence, indifference or neglect is much more likely to have difficulties in life and abuse alcohol or drugs to numb themselves. It is natural for a child to need praise and care and to grow up in a nurturing environment. Here we get a look into the life story of a person who experienced his parent’s violence and alcohol abuse from a very young age. His story is full of discomfort, painful loss and eventually his own breakdown. Theoretical discussion shows that various traumas in the course of life can easily lead to a mental problem as well as a physical disability in an adult and can make him completely incapable of work or functioning as a healthy adult. The human brain is a complex construct and a child needs to develop in a healthy environment in order to get a good start in life. It also shows that it is important for a child to grow up in a stress-free and safe environment as well as getting the necessary professional intervention when trauma occurs. The results of research on screening children for trauma provide evidence that long-term consequences can be reduced in adulthood.