Á hlaupum í langhlaupum : samanburður á loftháðri getu, líkamssamsetningu og árangur í keppnum hjá íslenskum karlkyns keppnishlaupurum

Abstract

Markmið rannsóknar var að skoða hámarkssúrefnisupptöku, líkamssamsetningu og árangur í keppnum hjá íslenskum karlkyns keppnishlaupurum. Þátttakendur í rannsókninni voru alls ellefu íslenskir karlkyns keppnishlauparar sem allir stunda langhlaup. Rannsóknin var framkvæmd á tímabilinu 3. desember 2021 til 14. janúar 2022. Þátttakendur voru á aldrinum 18 til 47 ára, meðalaldur 33,25, staðalfrávik +/- 8,46. Framkvæmdar voru mælingar á líkamsþáttum og hámarkssúrefniupptöku (VO2max) og tengslin þar á milli skoðuð. Þá var VO2max einnig borið saman við árangur í keppnishlaupum. Niðurstöður sýndu að meðalþoltala þátttakenda í hámarkssúrefnisupptöku var 50,33 +/- 7,61 ml x kg-1 x mín-1. Niðurstöður sýndu einnig fram á marktæka (p<0,05) neikvæða fylgni milli VO2max og líkamssamsetningu (r=-0,758) (r=-0,681) (r=-0,591). Neikvæð fylgni kom þá fram milli VO2max og hlaupahraða, óháð vegalengd í keppnishlaupum (r=-0,405;p=0,279) (r=-0,589;p=0,073) (r=-0,256;p=0,541) (r=-0,874;p=0,053). Niðurstöður rannsóknarinnar gefa til kynna að loftháð geta og líkamssamsetning hafi áhrif á frammistöðu og árangur í keppni og voru niðurstöður í samræmi við fyrri rannsóknir. Niðurstöður gefa þó einnig til kynna að íslenskir karlkyns keppnishlauparar eru talsvert lægri í loftháðri getu og frammistöðu í keppnishlaupum og álykta má hvort íslenskir keppnishlauparar teljist sem afreks (e.elite) keppnishlauparar í fremstu röð.