Mat á þroska verkefnastjórnunar hjá embætti landlæknis

Abstract

Skipulagsheildir eru mislangt á veg komnar í innleiðingu á verkefnastjórnun. Gagnlegt getur verið að framkvæma mat á því hver staðan er innan skipulagsheilda með notkun svokallaðra þroskalíkana. PM solutions hafa þróað líkan sem skoðar 10 þekkingarsvið innan verkefnastjórnunar og metur þroska þeirra á kvarðanum 1-5. Nokkrar rannsóknir hafa verið gerðar með notkun þessa líkans hjá skipulagsheildum innan hins opinbera á Íslandi undanfarin ár og hefur niðurstaðan verið sú að þær skipulagsheildir sem rannsakaðar hafa verið hafa verið á fyrsta þroskastigi af fimm. Tilgangur þessarar rannsóknar var að meta verkefnastjórnunarlegan þroska embættis landlæknis út frá sama líkani. Spurningarkönnun var send á alla starfsmenn og helstu niðurstöður eru að embættið mælist með 1,4 á fimm stiga kvarðanum og er því einnig statt á fyrsta þroskastigi. Mikil tækifæri liggja í því að auka þroska verkefnastjórnunar sem ætti að skila sér í aukinni skilvirkni og auknum árangri.