Álagning rekstraraðila : hver er afraksturinn?

Abstract

Innan Skattsins hefur verið umræða og rýni á það lykilhlutverk sem Skatturinn gegnir sem er tekjuöflun fyrir ríki og sveitarfélög og hefur höfundur komið að þeirri vinnu. Góðfúslegt leyfi fékkst fyrir ákveðnum hluta þeirrar vinnu sem lokaritgerð. Nálgun höfundar er umfjöllun um þann hluta skattkerfisins sem snýr að álagningu rekstraraðila. Skoðuð voru gögn um álagningu tekjuskatts og tryggingagjalds nokkur ár aftur í tímann, niðurstöður greindar og lagt var mat á það hvort þær væru í samræmi við tekjuöflunarhlutverk skattkerfisins. Jafnframt var skoðað hve stórt hlutfall af rekstraraðilum greiða hvorki tekjuskatt né tryggingagjald. Samhliða þessari rannsókn var skoðað hvort fyrirliggjandi gögn og upplýsingar fælu í sér viðbótarupplýsingar sem hægt væri að nýta á grundvelli hugmyndafræði gæðastjórnunar og kenninga um fyrirmyndarstjórnun til að greina umbótatækifæri eða óvenjuleg frávik.