Júlía / Room Tour

Abstract

Rétt eins og í hverju einasta herbergi, í hverju einasta húsi, er megnið af hlutunum í herbergi unglingsstúlkunnar úr plasti. Mögulega safnast jafnvel enn meira plast í herbergi hennar heldur en í önnur herbergi, þar sem slík herbergi gegna gjarnan viðameiri hlutverki en önnur heimilisrými: Unglingsstúlkuherbergið er ekki bara svæði sem hún sefur í, heldur er það líka skrifstofan hennar, staður til þess að sinna persónulegri umhirðu með kremum og förðunarvörum ásamt því að taka á móti vinum, svo eitthvað sé nefnt. Eins konar sjálfstæð eining innan heimilisins. Í þessu lokaverkefni er togstreitan á milli umhverfiskvíða og plastneyslu unglingsstúlkunnar skoðuð.