is Íslenska en English

Lokaverkefni (Meistara)

Listaháskóli Íslands > Listkennsludeild / Department of Arts Education > Lokaritgerðir / Theses (MA, M.Art.Ed.) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/42273

Titill: 
  • Hugsunarleikir : efling hugsunar í skólastofunni
Námsstig: 
  • Meistara
Leiðbeinandi: 
Útdráttur: 
  • Höfundur færir rök fyrir því að hugsunarleikir stuðli að eflingu hugsunar í skólastofunni. Nemendur læra að beita fjölþættri hugsun í hugsunarleikjum: gagnrýninni hugsun, skapandi hugsun og umhyggjusamri hugsun. Leikina er gott að kenna í sérstökum heimspekitímum, þar sem nemendur fá tækifæri til að velta fyrir sér lífinu og tilverunni, í líflegum samræðum og spunaæfingum. Það er einnig tilvalið að grípa til hugsunarleikja í hinum ýmsu fögum skólans og stuðla þannig að tengingu námsefnisins við reynsluheim nemenda. Hugsunarleikirnir eru kenndir í rannsóknarsamfélagi þar sem nemendur fá ekki að vita hið eina rétta svar frá kennaranum, heldur þjálfast þeir í að færa rök fyrir máli sínu, sem getur leitt til ólíkra svara. Það að breyta um skoðun, þegar maður heyrir betri rök fyrir annarri, sýnir fram á góða hugsun. Kennarinn heldur ákveðinni fjarlægð í hugsunarleikjum svo að nemendur horfi hver til annars í samræðum og eflist í samskiptum. Nemendur fá að blómstra á eigin forsendum þegar þeir takast á við spurningar sem vekja hjá þeim áhuga og fá sjálfir að komast að niðurstöðu með samræðu og rannsókn. Nemendur efla borgaravitund sína í hugsunarleikjum með því að taka virkan þátt í heimspekilegum samræðum sem gæti aukið líkur á virkri þátttöku þeirra í lýðræðislegu samfélagi. Íslenskir nemendur hafa ekki staðið sig sem skyldi í alþjóðlegum samanburði í PISA-könnuninni. Stjórnvöld hafa lagt til breytingar á viðmiðunarstundaskrá grunnskóla til að bregðast við lökum árangri. Horft er gagnrýnum augum á þá leið sem hefur verið vörðuð að bættum árangri. Aðrir mælikvarðar í námi eru bornir saman við PISA-könnunina, auk þess sem er ómælanlegt í skólakerfinu. Höfundur skoðar eigin reynslu af skólakerfinu í samhengi við fræðilegt efni frá heimspekingum og kennurum eins og Sigrúnu Aðalbjarnardóttur, Páli Skúlasyni, John Dewey, Maxine Greene, Matthew Lipman, Jason Buckley og Tom Bigglestone.

  • Útdráttur er á ensku

    The writer argues that the teaching of Thinkers´ Games leads to good thinking in the classroom. Students learn to use multidimensional thinking: critical thinking, creative thinking and caring thinking. It´s good to teach the games in specific philosophy classes, where students get a chance to ponder about life, through animated dialogue and improvisational exercises. It´s also ideal to use Thinkers´ Games in various subjects, and thereby make a connection between the life of the students and what they are studying. Thinkers´ Games are taught in a Community of Inquiry where the students aren´t told the “right answer” but get training in making a good argument for their case, which can lead them to very different answers. To change one´s mind, when hearing a better argument for a different opinion, shows good thinking. The teacher keeps his distance in the Thinkers´ Games, so that the students look to each other and get better at communicating. The students get to flourish on their own terms, when they take on questions that intrigue them and get to reach their own conclusion, through dialogue and inquiry. The students get a sense of being active citizens through the Thinkers´ Games, which increases the likelihood of them taking on an active role in their democratic society. Icelandic students haven´t been up to pair in the PISA-test, which gives international comparison of students. The Icelandic government have suggested changes to the timetable of elementary schools to react to these poor results. The road that has been paved to better results, is looked at through a critical lens. Other measurements in education are compared to the PISA-test, as well as that which is immeasurable in the school system. The writer looks at his own experience of the school system, in the context of academic material of philosophers and teachers such as: Sigrún Aðalbjarnardóttir, Páll Skúlason, John Dewey, Maxine Greene, Matthew Lipman, Jason Buckley and Tom Bigglestone.

Samþykkt: 
  • 23.6.2022
URI: 
  • http://hdl.handle.net/1946/42273


Skrár
Skráarnafn Stærð AðgangurLýsingSkráartegund 
Guðmundur-Arnar-lokaritgerð-M.Ed.-Hugsunarleikir LOKAÚTGÁFA.pdf573.06 kBOpinnHeildartextiPDFSkoða/Opna