Verkleg kennsla : sýnikennsla í heimilisfræði á margmiðlunarformi

Abstract

Kennsluefnið okkar er í formi geisladisks sem inniheldur sýnikennslu í heimilisfræði. Markmið kennsluefnisins er að veita heimilisfræðikennurum stuðning við sýnikennslu. Einnig á það að veita nemendum fjölbreytni í kennslu og styðja við nám þeirra á ýmsan hátt. Þau atriði sem við tökum fyrir og völdum í samráði við leiðbeinanda eru: Gerbakstur, uppþvottur, þrif á ísskáp, mismunandi tegundir deiga, steiking á kjöti, steiking á fiski, suða á hrísgrjónum og hvernig leggja skal á borð. Uppsetning verkefnisins var unnin í PowerPoint þar sem við notumst við myndir og texta. Sýningarnar spiluðum við síðan inn í forritið Camtasia Studio. Þar töluðum við inn á sýningarnar og settum inn gagnvirkar spurningar í lokin. Við gerð kennsluefnisins studdumst við að mestu leyti við gömlu kennslubókina Heimilisfræði II en reyndum að staðfæra upp á nútíðina þar sem við átti.