Pípuorgelkonsert

Abstract

Ritgerðin er greinargerð á sköpunarferli hljóðverksins Pípuorgelkonsert sem samið var fyrir Salinn í Kópavogi á árunum 2021 – 2022. Um er að ræða listrannsókn þar sem sköpunarferlið er rakið og skoðað í ljósi fræða og tilrauna í kennslu tónlistar. Gerð er tilraun til þess að setja ferlið í samhengi posthúmanískra hugmynda, kennslufræða og kenninga um sköpun og virkni tónlistar. Stuðst er aðallega við eigin skráningu á starfi og koma upplýsingar úr eigin upplifunum, dagbókum og ljósmyndum. Við þetta bætast heimildir úr ýmsum áttum sem eiga að styðja við hugmyndalega vídd skrifanna. Segja mætti að niðurstaða verksins sé þríþætt fyrir utan hljóðverkið sjálft. Í fyrsta lagi er það færsla tónsmíðavinnunar frá því huglæga, skipulagða og gegnumsamda yfir í hið staðbundna, tilraunamiðaða og ótamda. Í öðru lagi er það sá persónulegi skilningur að pípulagnir standa fyrir tengslaleit í verkinu og í þriðja lagi er það viss afstaða gagnvart tónlistarkennslu sem reynir að sameina sjálfstjáningu og víðari heimsmynd posthúmanískra hugmynda.