Yfirlýsingar : frá framúrstefnumönnum til íslenskra leikhópa í dag

Abstract

Evrópskir framúrstefnumenn breyttu landslagi listalífsins í byrjun tuttugustu aldar með því að skrifa yfirlýsingar um það hvað list væri, ætti að vera og hvernig ætti að búa hana til.Í fyrsta kafla ritgerðinnar fjalla ég um samkenni yfirlýsinga framúrstefnumanna. Í seinni hluta ritgerðinnar fer ég nánar í saumana á íslenskum yfirlýsingum hjá starfandi sviðslistahópum í dag og skoða þær í samhengi við framúrstefnumennina. Yfirlýsingar gærdagsins verða settar við hliðina á yfirlýsingum morgundagsins. Áhugavert er að skoða hvað hefur breyst og hvað er líkt í yfirlýsingum samtímans. Hvers konar breytingar hafa orðið á yfirlýsingunum á þessum tíma og hvaða erindi hafa þær í íslensku leikhússenunni í dag? Helstu heimildir sem verður stuðst við eru fengnar úr bókinni Yfirlýsingar þar sem yfirlýsingum liststefna á 20. öldinni er safnað saman. Einnig verður stuðst við tímaritið Dunce.