Kennsla í tilfinningalæsi barna á leikskólaaldri : kennsluefni fyrir börn og starfsfólk leikskóla

Abstract

Lokaverkefni þetta samanstendur af kennsluefni í formi barnabókar og fræðilegri greinargerð. Í þessu lokaverkefni verður fjallað um tilfinningalæsi og mikilvægi þess að hefja kennslu á því frá unga aldri. Kennsluefnið miðast við börn á leikskólaaldri og þá ávinninga sem þau geta haft af því að fá kennslu í tilfinningalæsi. Komið verður inn á það hvernig kennarar geta eflt börn félagslega með því að kenna þeim bæði að þekkja og takast á við eigin tilfinningar. Einnig verður fjallað um hvert hlutverk starfsfólks leikskólans er og hvernig það getur stutt við tilfinningalæsi barna með því að taka þátt í slíkri kennslu. Að hafa aðgang að þessu kennsluefni á að auðvelda meðal annars ófaglærðu starfsfólki að stýra kennslu í tilfinningalæsi þrátt fyrir að hafa lítinn sem engan bakgrunn í kennslu ungra barna. Kennsluefnið er skrifað upp eftir því hvernig dagurinn er uppsettur hjá börnum á fjórða aldursári á þeim leikskóla sem höfundur þessarar greinargerðar starfar á. Með kennsluefninu fylgja umræðupunktar til að auðvelda starfsfólki að hefja umræður í sínum barnahópi. Í þessari greinargerð verður leitast svara við því hvers vegna það er mikilvægt að kenna börnum að þekkja eigin tilfinningar og þróa gott tilfinningalæsi strax við leikskólaaldur.