Viðbrögð alþjóðasamfélagsins við mansali

Abstract

Í ritgerðinni er leitast við að skilgreina hugtakið mansal á sem breiðastan hátt. Litið er sérstaklega til viðbragða alþjóðasamfélagsins við mansali og útbreiðslu þess. Til alþjóðasamfélagsins eru taldar alþjóðlegar stofnanir, löggæsluaðilar, fjölmiðlar og stjórnvöld ríkja. Sérstakri athygli er jafnramt beint að viðbrögðum íslenskra stjórnvalda. Farið er yfir helstu úrræði og aðgerðir sem alþjóðastofnanir og ríki hafa nýtt sér gegn útbreiðslu mansals. Við gerð ritgerðarinnar var stuðst við opinber gögn, fræðirit, bækur og tímaritagreinar. Að auki voru viðtöl tekin við einstaklinga sem hafa komið að verkefnum sem vinna gegn útbreiðslu mansals. Helstu niðurstöðurnar eru þær að einkum sé þörf á hugarfarsbreytingu og aukinni fræðslu svo að unnt sé að ná árangri í baráttunni gegn útbreiðslu mansals.