Við þurfum að nálgast nemendur betur á þeirra forsendum ef þeir eiga að fá að vera í skólanum á eigin forsendum : viðhorf starfsfólks grunnskóla á Norðurlandi til Skóla án aðgreiningar

Abstract

Rannsóknin er 30 ECTS eininga lokaverkefni til meistaraprófs í menntunarfræðum og fjallar um viðhorf starfsfólk grunnskóla á Norðurlandi til menntastefnunar um skóla án aðgreiningar. Rannsóknarspurning verkefnisins er: Hver er þín skoðun á menntastefnunni skóli án aðgreiningar? Út frá henni koma þrjár undirspurningar sem eru: 1.Að hvaða leyti nærð þú að framfylgja menntastefnunni um skóla án aðgreiningar?2.Hver er þín skoðun á þeim úrræðum sem standa nemendum til boða?3.Hvernig er reynsla þín af samstarfi við foreldra barna með sérþarfir?Markmið þessarar ritgerðar er að kanna viðhorf starfsfólks í grunnskólum á Norðurlandi til menntastefnunnar og athuga hvernig þau viðhorfin samræmast menntastefnunni. Rannsakandi valdi að nota eigindlega rannsóknaraðferð. Þátttakendur rannsóknarinnar eru 9 einstaklingar sem eru allir starfsmenn í grunnskóla á Norðurlandi. Tekin voru 9 einstaklingsviðtöl, viðtöl við 5 kennara, 2 stuðningsfulltrúa og 2 þroskaþjálfa. Helstu niðurstöður rannsóknarinnar eru að starfsfólk grunnskóla á Norðurlandi hefur neikvætt viðhorf til stefnunnar, erfitt sé að framfylgja henni í skólastarfi, úrræðaleysi ríkir, sérfræðiþekkingu skortir í grunnskóla og foreldrasamstarf sé ekki nýtt nægilega vel. Lykilhugtök: Viðhorf, sérfræðiþekking, úrræði og úrræðaleysi og ágæti og áskoranir.