Raddir barna í leikskóla : reynsla leikskólakennara af því að vinna með Barnasáttmálann

Abstract

Í þessari ritgerð er fjallað um raddir barna og þátttöku þeirra í leikskólastarfi. Skoðað er hvernig efla má raddir barna inni á leikskólanum en til þess að þær heyrist þarf að hlusta á skoðanir barna og leyfa þeim að hafa áhrif. Viðfangsefnið er skoðað út frá 12. grein Barnasáttmálans sem segir að börn hafi rétt á því að tjá sig frjálslega um öll þau málefni sem þau varða og bera skuli virðingu fyrir skoðunum þeirra. Tilgangur rannsóknarinnar er að skoða hvernig hægt sé að nota Barnasáttmálann í þeim tilgangi að efla raddir barna í leikskólastarfi og hvers vegna það telst mikilvægt börn læri að nota rödd sína snemma á leikskólaaldri. Tekin voru viðtöl við þrjá leikskólastarfsmenn sem hafa reynslu af því að vinna með Barnasáttmálann í sínu starfi. Í umræðum eru viðtölin skoðuð í ljósi fyrrum rannsókna og kenninga um þátttöku barna. Niðurstöður benda til þess að ef börn læra snemma að nota rödd sína getur það styrkt sjálfstraust þeirra, samskiptahæfni og hæfni við að leysa úr ágreiningi. Hægt er að nota Barnasáttmálann sem verkfæri til þess að skapa umræður milli leikskólakennara og kynna þeim fyrir mikilvægi þess að hlusta á sjónarmið barna. Ef leikskólakennarar eru meðvitaðir um að hlusta á sjónarmið barna getur það styrkt samband þeirra við börn í daglegu leikskólastarfi.