en English is Íslenska

Thesis (Bachelor's)

University of Iceland > Menntavísindasvið > B.A./B.Ed./B.S. verkefni - Menntavísindasvið >

Please use this identifier to cite or link to this item: http://hdl.handle.net/1946/42626

Title: 
  • Title is in Icelandic Námsmat við lok grunnskóla : eigindleg rannsókn á viðhorfi stærðfræðikennara á unglingastigi til námsmats samkvæmt núgildandi aðalnámskrá grunnskóla
Degree: 
  • Bachelor's
Abstract: 
  • Abstract is in Icelandic

    Ný Aðalnámskrá grunnskóla kom út árið 2011 og greinasvið með henni árið 2013. Þar voru boðaðar umtalsverðar breytingar á skipulagi og framsetningu námsmats. Hæfniviðmið komu í stað þrepaskipt kerfis, skólum var gert að meta nemendur út frá stöðluðum matsviðmiðum við lok 10. bekkjar og útskrifa úr grunnskóla með einkunnir í bókstöfum. Nokkur umræða hefur verið um breytinguna. Álitamál hafa einna helst snúið að innleiðingarferlinu og námsmatskerfinu og vísbendingar hafa komið fram um óánægju á meðal kennara. Vorið 2022 var gerð eigindleg viðtalsrannsókn á viðhorfi stærðfræðikennara á unglingastig til námsmats samkvæmt núgildandi aðalnámskrá. Megin markmið rannsóknarinnar var að kanna hvernig kennurum hugnist námsmatskerfið nú þegar reynsla er komin á vinnu með það. Lögð var áhersla á að fá fram bæði kosti og galla kerfisins að mati kennara, áhyggjuefni og leiðir til bóta. Helstu niðurstöður rannsóknarinnar voru að innileiðingarferlinu er mjög ábótavant. Kennarar sem rætt var við sögðu mikinn skort á leiðsögn og leiðbeiningum frá yfirvöldum og upplifðu óöryggi í starfi af þeim sökum. Hugmyndafræðin á bak við hæfni-viðmiðin þætti ágæt en þau séu of mörg og flókin og tilgangur matsviðmiðanna sé óljós. Kennararnir höfðu áhyggjur af því að misræmi á milli skóla stuðlaði að því að nemendur væru ekki metnir á sama hátt við útskrift úr grunnskólum. Gögn rannsóknarinnar sýndu fram á mikið ósamræmi í námsmati á milli skóla. Þau studdu því við áhyggjur kennara og mikilvægt er að bregðast við óskum þeirra um umbætur.

Accepted: 
  • Aug 22, 2022
URI: 
  • http://hdl.handle.net/1946/42626


Files in This Item:
Filename Size VisibilityDescriptionFormat 
Námsmat við lok grunnskóla - Eigindleg rannsókn á viðhorfi stærðfræðikennara á unglingastigi til námsmats samkvæmt núgildandi aðalnámskrá grunnskóla.pdf411.22 kBOpenComplete TextPDFView/Open
Skemma yfirlýsing.pdf12.34 MBLockedDeclaration of AccessPDF