Samþættum íslensku við allar námsgreinar : könnun á orðskilningi nemenda á samsettum orðum úr kennslubókum í samfélagsgreinum

Abstract

Þetta B.Ed.-verkefni fjallar um orðskilning nemenda í 9. bekk á samsettum orðum úr kennslubókum í samfélagsgreinum. Lögð var fyrir könnun í grunnskólum í öllum landshlutum, þar sem spurt var út í þekkingu nemenda á völdum orðum. Markmiðið var að fá innsýn í orðskilning nemenda og skoða í tengslum við læsi og í samanburði við aðrar kannanir. Í fræðilega kaflanum er fjallað um læsi, læsi samfélagsgreina, orðaforða, námsorðaforða í kennslubókum og kennslu orðaforða. Auk þess eru skoðuð tengsl framangreindra þátta við hvern annan. Í áðurnefndri rannsókn var lögð áhersla á þekkingu á samsettum orðum sem talin voru eftir tíðni úr kennslubókum og lagt fyrir nemendur til þess að kanna orðskilning þeirra á orðaforðanum. Þar svöruðu nemendur í 9. bekk víðsvegar um land, krossaspurningum í bland ritunarspurningar til útskýringar á hverju orði fyrir sig. Niðurstöður könnunarinnar voru sambærilegar niðurstöðum annara kannana sem og niðurstöður eftir landsvæðum. Þar sem það kom í ljós að orðskilningur nemenda á orðunum sem tekin voru fyrir var nokkuð óburðugur í öllum landshlutum. Að auki liggur fyrir að samsett orð í kennslubókum þurfa að vera útskýrð og samþætting samfélagsgreina við íslensku gæti verið lykilatriðið. Jafnframt gæti samræmdur námsorðaforði kennslubókahöfunda nýst við orðskilning nemenda og bætt inntak námsefnisins.