,,Mér finnst mjög gaman þegar að það er settur tíkall í trúðinn" : félagstengsl barna og unglinga með ADHD

Abstract

Skýrsla þessi er lokaverkefni til B.A.-gráðu í uppeldis- og menntunarfræði við Menntavísindasvið Háskóla Íslands. Í skýrslunni er fjallað um ADHD, einkenni þess og kynjamun. Einnig er fjallað um þróun félagstengsla, vináttu og félags- og vinatengsl barna með ADHD. Þessi skýrsla er eigindleg rannsókn og var reynsla tveggja kvenna skoðuð með viðtölum. Í fræðilegri umfjöllun kemur fram að börn með ADHD eigi í erfiðleikum með að lesa í aðstæður, þeim sé síður forgangsraðað af jafningjum og þau eigi færri gagnkvæma vini. Reynsla beggja kvennanna styður að sumu leyti við niðurstöður rannsókna en þær hafa spjarað sig vel því þær áttu vini fyrir utan skóla. Tilgangur skýrslunnar er að varpa ljósi á þær áskoranir og erfiðleika sem börn með ADHD geta upplifað og staðið frammi fyrir. Hvað félags- og vinatengsl varðar var ákveðið að beina sjónum að upplifun stúlkna og kvenna.