Jákvætt kynlíf : kynfræðsluvefsíða fyrir alla

Abstract

Kynfræðsla hefur í gegnum árin að mestu lagt áherslu á líffræðilegan þátt kynlífs og þess vegna getur verið mikil vöntun á fræðslu um félagslega þáttinn sem tengist kynlífi. Á vefsíðunni Jákvætt kynlíf er ljósi varpað á þá félagslegu þætti sem við koma kynlífi, svo sem samskipti, samþykki, nautn og klám. Við sem samfélag erum þó ávallt að þróast meira í átt að því félagslega og höfum við séð það t.d. með Ástráði, Siggu Dögg ásamt Fávitar og Karlmennskan á Instagram. Mikilvægt er þó að ræða einnig hvernig við getum stundað gott kynlíf á sama tíma og við berum virðingu fyrir hvort öðru. Almenn kynfræðsla á það til að leggja mikla áherslu á gagnkynhneigt, sís (e. cis), ófatlað fólk og þar af leiðandi fræða einungis um þarfir þess hóps, bæði líffræðilegar og félagslegar, þegar kemur að kynlífi. Vefsíðan Jákvætt kynlíf leggur áherslu á fræðslu um allskonar líkama og þarfir þegar kemur að kynlífi og er fræðsluefnið eins aðgengilegt og auðskýrt og hægt er.