Eigin fjármál. Ráð til sparnaðar og möguleikar til fjárfestinga

Abstract

Umræða í kringum sparnað og fjárfestingar hefur opnast mikið síðustu ár á Íslandi, telja má fyrir því ástæður eins og sögulega lága innlánsvexti sem ýtt hafa almenningi í það að fjárfesta frekar í verðbréfum og sjóðum til að reyna að auka ávöxtun. Einnig hefur skapast vettvangur á samfélagsmiðlum fyrir fólk til að hjálpast að þegar kemur að fjármálum. Hvernig temjum við okkur (góða) siði í fjármálum og hvernig er viðhorf okkar til peninga? Að hafa yfirsýn yfir eigin fjármál er hlutur sem allir ættu að tileinka sér og er ekkert neikvætt sem getur komið út úr því. En hvernig á að fjárfesta og hvað er í boði fyrir hinn almenna fjárfesti í dag? Af hverju er peningurinn ekki best geymdur inni á bankabók? Að fjárfesta í verðbréfum, sjóðum og rafmyntum getur verið áhættusamt og því þurfa fjárfestar að vera vel upplýstir um þær áhættur áður en hlaupið er í kaup. Þegar búið er að taka til í fjármálunum og komið að því fjárfesta er að ýmsu að huga og muna þarf að það er engin ein rétt leið þegar kemur að fjárfestingum.