Tvítyngd börn og stefna leikskóla um tvítyngi

Abstract

Mikil aukning hefur orðið á fjölda innflytjenda á Íslandi undanfarin ár. Þar á meðal eru margar fjölskyldur sem hafa flutt hingað frá útlöndum. Í kjölfarið hafa mörg börn á skóla- og leikskólaaldri af erlendum uppruna komið inn í íslenskt samfélag og íslenska skóla.Í fyrsta kafla útskýri ég í stuttu máli ástæðurnar fyrir því að ég skrifaði þetta lokaverkefni.Í öðrum kafla tek ég fyrir umræðuefnið tvítyngi almennt, skilgreiningar þess og hvernig börn tileinka sér tungumál.Í þriðja kafla fjalla ég um félagslegar aðstæður barna af erlendum uppruna á Íslandi og fer yfir nokkrar réttarheimildir og rannsóknir á því efni.Að lokum í fjórða kafla vík ég nánar að stefnu leikskóla í málefnum tvítyngdra barna, með sérstakri áherslu á kennslutæki sem kallast Orðaleikur.