Hulin sár eru hættust : Ofbeldi og vanræksla gegn öldruðum á dvalar- og hjúkrunarheimilum

Abstract

Ofbeldi og vanræksla gegn öldruðum er hulið í samfélaginu og lítið rætt opinberlega. Þar koma til ýmsar ástæður svo sem að aldraðir eru ekki tilbúnir að greina frá ofbeldi sem þeir verða fyrir af hendi aðstandenda eða umönnunaraðila. Farið er yfir birtingamyndir ofbeldis og vanrækslu gegn öldruðum samkvæmt skilgreiningu Alþjóðaheilbrigðisstofnunarinnar WHO. Margir aldraðir upplifa að þeir séu berskjaldaðir og ekki sé hlustað á þá í samfélaginu. Þær fáu rannsóknir sem gerðar hafa verið á högum aldraðra benda eindregið til þess að fjöldi þeirra verður fyrir ofbeldi og mun fleirri en en áður var talið, enda höfðu aldraðir orðið útundan í rannsóknum á ofbeldi. Gera má ráð fyrir að ofbeldi eigi eftir að aukast með fjölgun eldri borgara á næstu árum og því mikilvægt að fræða bæði starfsfólk í félags- og heilbrigðisþjónustu um helstu birtingamyndir ofbeldis auk almennings.