is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/42835

Titill: 
  • Áhrif lita í markaðssetningu – er þetta svona einfalt?: Áhrif birtustigs og styrks lita á trúverðugleika fyrirtækja og kaupáform neytenda
Námsstig: 
  • Meistara
Útdráttur: 
  • Litir gegna mikilvægu hlutverki þegar kemur að markaðsstarfi fyrirtækja. Litir hjálpa m.a. til við að fanga athygli neytenda, koma tilteknum eiginleika vöru eða þjónustu á framfæri eða ýta undir jákvætt viðhorf neytenda til fyrirtækisins. Aðalmarkmiðið með markaðssamskiptum er þó að hafa áhrif á hegðun neytenda í þeim tilgangi að hann stundi viðskipti við fyrirtækið. Viljum við notfæra okkur áhrif lita á neytendur, þá þurfum við að þekkja þau áhrif sem hver litur getur haft, þ.e. merkingu litanna og áhrif þeirra á líkamsstarfsemi mannsins, sem kemur fram í mismunandi hegðun og líðan hans. Er hægt að styðjast við hvaða liti sem er? Eða þarf að nota rétt blandaða liti í réttum styrkleika við rétt birtustig, til þess að hafa áhrif á viðhorf neytandans til vöru og þjónustu og þar með, hugsanlega kauphegðun hans? Markmið þessarar rannsóknar var að skoða hvort birtustig og styrkur lita hafi áhrif á trúverðugleika fyrirtækja og kaupáform neytenda. Það er nokkurn veginn „samþykkt“ að blár sé litur trúverðugleikans og var hann því notaður við þessa rannsókn. Trúverðugleiki er öllum fyrirtækjum mikilvægur, en hann byggist m.a. á því, að viðskiptavinir þess telja það hafa færnina til þess að framkvæma það sem það segist geta gert. Trúverðugleiki fyrirtækja felst í viðkunnanleika, áreiðanleika og sérþekkingu þeirra. Alls svöruðu 529 einstaklingar netkönnun um trúverðugleika fyrirtækis og kaupáform. Notast var við tilraunasnið þar sem þátttakendum var birt fimm mismunandi áreiti. Mismunurinn á milli áreitanna var litarafbrigði bláa litarins sem fólst í mismunandi samspili birtustigs og litstyrks. Niðurstöðurnar sýndu fram á jákvæðari skynjun á trúverðugleika þegar birtustig litarins var lágt heldur en þegar það var hátt. Jákvæð skynjun var einnig á trausti, sérþekkingu, reynslu, kunnáttu og hæfni fyrirtækisins þegar birtustigið var lágt. Þegar birtustigið var hátt dró úr þessari jákvæðu skynjun á eiginleikunum. Jákvæð skynjun var á viðkunnanleika þegar birtustigið var hátt og styrkur litarins lár. Niðurstöður leiddu einnig í ljós að einstaklingar voru líklegri til þess að stunda viðskipti við fyrirtækið þegar birtustigið var lágt og styrkur litarins lítill. Þessi rannsókn er mikilvægt framlag til fræðanna þar sem viðfangsefnið hefur lítið verið kannað hingað til. Þessi rannsókn er einnig hagnýtt framlag þar sem markaðsfólk getur nýtt sér niðurstöðurnar sem stuðning við markaðsvinnu sína.

Samþykkt: 
  • 19.9.2022
URI: 
  • http://hdl.handle.net/1946/42835


Skrár
Skráarnafn Stærð AðgangurLýsingSkráartegund 
Lokaskil Tinna Björk Hilmarsdóttir.pdf1.24 MBOpinnHeildartextiPDFSkoða/Opna
Skemman.jpeg1.5 MBLokaðurYfirlýsingJPG