Tenniskennsla : handbók fyrir tenniskennslu í grunnskólum fyrir 1.-3. bekk

Abstract

Skipulögð íþróttastarfsemi er mjög víðdreifð á Íslandi og það er mikil aðsókn í hana. Þrátt fyrir það að tennis sé ein vinsælasta íþrótt í heimi þá er hún ekki mikið spiluð eða þekkt hér á landi. Tilgangur þessa verkefnis er að reyna auka þekkingu á íþróttinni og þeim búnaði sem er nauðsynlegur og færa rök fyrir því af hverju tennis er gott val sem íþrótt fyrir börn. Í viðhengi á þessari greinagerð er síðan hægt að finna handbók um hvernig hægt er að stilla upp og kenna tennis í íþróttatímum í grunnskólum. Upplýsingum var safnað af gagnasöfnum eins og Proquest og PubMed ásamt því að leitað var í ýmsar kennslubækur sem að tengjast tennisþjálfun. Þetta verkefni mun vonandi auka þekkingu á tennis hér á landi ásamt því að auka aðsókn barna í þá íþrótt. Ásamt því þá geta íþróttakennarar nýtt sér handbókina til þess að auka fjölbreytni í íþróttatímum sínum.