Áhrif námsumhverfis á velgengni tvítyngdra nemenda á Íslandi

Abstract

Innflytjendum hefur fjölgað á Íslandi undanfarin ár og þar með hafa nemendahópar orðið fjölbreyttari (Hafdís Guðjónsdóttir og fl., 2016). Kennarar þurfa að nálgast kennslu með fjölbreyttum kennsluaðferðum til að komast til móts við nemendur af erlendum uppruna og tryggja jöfn tækifæri til náms og velgengni nemenda (Hafdís Guðjónsdóttir og fl., 2016). Tilgangur þessa verkefnis er að kanna hvað hefur áhrif á velgengni tvítyngdra nemenda á yngsta stigi grunnskóla í námi. Rannsóknarspurningin er: Hvaða áhrif hefur fjölmenningarlegt námsumhverfi á velgengni náms yngri tvítyngda nemenda í grunnskóla?. Til að svara þeirri spurningu var fræðilegum heimildum safnað og niðurstöður úr rannsóknum um fjölmenningarlega hópa skoðaðar.Samkvæmt því efni sem safnað var er ljóst að tvítyngdir nemendur njóta sín betur ef þeir eru í námsumhverfi sem er fjölmenningarlegt og fá fjölbreytta og sveigjanlega kennslu.