Farsæl öldrun : ávinningur tómstundaþátttöku á efri árum

Abstract

Í þessari lokaritgerð verður fjallað um tómstundaiðkun í seinni tíð, hinar ýmsu öldrunarkenningar, hindranir sem verða í vegi fyrir fólki í ellinni og hjúkrunarheimili á Íslandi. Meginmarkmið verkefnisins er að varpa ljósi á mikilvægi tómstundaþátttöku á efri árum og þær hindranir sem gætu komið til með að verða í vegi fyrir fólki. Fjallað er um Edenhugmyndafræðina og hvernig hún tengist inn í starfsemi hjúkrunarheimila á Íslandi sem og aðrar öldrunarkenningar og hugtök.Samkvæmt mannfjöldaspá Hagstofunnar er von á gríðarlegri fjölgun fólks yfir 65 ára næstu árin og ef spáin gengur eftir verða eldri borgarar um 20% af þjóðinni árið 2035. Þetta þýðir að fjölgun fólks yfir 80 ára verður mikil og mikil þörf verður á hjúkrunarýmum.Halda þarf vel utan um þennan hóp og kemur tómstundaiðkun á efri árum sér til gagns á margvíslegan hátt, hún skilar sér í aukinni vellíðan, ýtir undir sjálfræði og eykur lífsgæði einstaklingsins. Aldur er oftast talin í árum en þó er ekki svo augljóst að greina hver teljist til hóps aldraðra úti í samfélaginu. Öldrun er margskonar en hún telst meðal annars sem líffræðilegt ferli sem felur í sér hinar ýmsu breytingar á mannslíkamanum, einnig er hægt að fjalla um öldrun út frá félagslegri stöðu en staða aldraðra í samfélögum er mismunandi.Í ellinni myndast mikill frítími og er því mikilvægt að rækta þau áhugamál sem til staðar eru, prófa nýja hluti, rækta líkama og sál með hinum ýmsu tómstundum og vera í stakk búin að takast á við þær hindranir sem í vegi geta orðið.