Mansal - umfang, aðgerðir og úrræði: samanburður á Íslandi og Noregi

Abstract

Í ritgerðinni er leitast við að skilgreina hugtakið mansal og birtingamyndir þess. Flestir þolendur mansals eru konur og börn sem starfa í kynlífsiðnaði, er því lögð áhersla á að mansal sé kynbundið fyrirbæri. Skoðað eru viðhorf stjórnvalda til jafnréttishugtaksins, og hvort það hafi áhrif á baráttu þeirra gegn mansali. Notast er við helstu sáttmála alþjóðasamfélagsins í baráttunni gegn mansali, Palermó-bókun Sameinuðu þjóðanna og samning Evrópuráðsins um aðgerðir gegn mansali. Sérstakri athygli er beint að úrræðum fyrir þolendur mansals. Samanburður er gerður á Noregi og Íslandi, skoðað er umfang mansals, viðhorf almennings, aðgerðir yfirvalda og úrræði sem í boði eru fyrir þolendur mansals. Áhersla er lögð á hvernig Ísland og Noregur standa gagnvart alþjóðasáttmálum, hvaða úrræði eru í boði fyrir þolendur mansals, og hvort þau úrræði séu fullnægjandi. Við gerð ritgerðar var stuðst við opinber gögn, skýrslur og fræðigreinar.