Barnaleikur : tenging leiksins við íþróttaiðkun

Abstract

Þessari ritgerð er ætlað að vekja athygli á því hvernig hreyfing barna, strax á leikskóla aldri, tengist íþróttaiðkun og er í raun undanfari skipulagðrar íþróttaiðkunar þegar börnin eru orðin eldri. Fjallað er um leik barna á leikskólaaldri, skipulagða og óskipulagða íþróttaiðkun og hlutverk íþrótta í samfélaginu og hversu mikil áhrif þróttafélög hafa á bæjarfélögin. Það kemur í ljós að hlutverk leikskólakennara og íþróttaþjálfara yngstu barna er ekki ósvipað og nálgunin er í raun áþekk. Ásamt því er fjallað um ávinning af iðkun íþrótta eins og sjálfstraust, félagsfærni og forvarnargildi. Ég skrifaði einnig um hversu mikilvægt er að börnin finni fyrir stuðningi foreldra eða forráðamanna og hvernig samskiptin þurfa að vera við félagslegt net barna sinna. Að lokum er svo fjallað lítilega um mikilvægi góðs mataræðis. Ég tel sérstaklega mikilvægt að minna reglulega á mikilvægi hreyfingar sérstaklega þegar íþróttir eru í mikilli samkeppni við annars konar afþreyingu þar sem kyrrseta er mikil. Niðurstaðan er sú að bæjarfélög ættu að hafa það í forgangi að hafa aðstöðuna í leiksskólum og hjá íþróttafélögunum sem besta því forvarnargildið er svo mikið.